mardi 31 décembre 2019

BONNE ANNÉE 🎄 🎅🎄 ՇՆՈՐՀԱՒՈՐ ՆՈՐ ՏԱՐԻ🎄 🎅🎄 HAPPY NEW YEAR

Արեւաշատ տարի ազգակիցներուս՝, 
բերք ու բարիք տեղայ բոլորիս գլուխուն, բարգաւաճի Հայաստանս, ալեկոծ սրտերը անդորրանան, խռոված հոգիները կազդուրանան, բարին յաղթէ չարին, լաւը պարտէ վատին, անշահախնդիր մարդկանց հետ հանդիպում, *անանձնական ուրախութեան առիթ պարգեւէ այս նոր տաին: Աստուած հոգատար լինի մեր շունչերուն, ուղեկից որդեակներուն, պահապան օճախներուն:

ՇՆՈՐՀԱՒՈՐ ՆՈՐ ՏԱՐԻ և ՍՈՒՐԲ ԾՆՈՒՆԴ

*ինչպէս կ՛ըսէ բանաստեղծ Միսաք Մեծարենց-«Տո՜ւր ինծի, Տէ՜ր, ուրախութիւնն անանձնական».


 BONNE ANNÉE 🎄 🎅🎄 ՇՆՈՐՀԱՒՈՐ ՆՈՐ ՏԱՐԻ🎄 🎅🎄 HAPPY NEW YEAR🎄 🎅🎄

♫ Ասպետ Քելխաչերեանի մեկնաբանութեամբ
ԼՈՒՌ ԳԻՇԵՐ, ՍՈՒՐԲ ԳԻՇԵՐ ԵՐԳԻՆ ՊԱՏՄՈՒԹԻՒՆԸ

1818-ին Աւստրիոյ գիւղերէն մէկուն եկեղեցիին երէցը՝ Ճօզէֆ Մօր, խթման գիշերը երգուելու նպատակաւ Սուրբծննդեան տաղաւարի առթիւ նոր երգ մը գրեց և եկեղեցիին երգեհոնահարը՝ Ֆրանց Կրուպըրն ալ անոր եղանակը յօրինեց: Սակայն, Ծնունդի նախօրեակին երգեհոնը աւրուեցաւ եւ կարելի չեղաւ զայն գործածել: Խթման գիշերը Կրուպըր, երգեհոնին փոխարէն, կիթառովը ընկերակցեցաւ երէցին եւ միասին առաջին անգամ ըլլալով երգեցին իրենց ստեղծած երգը՝ 
«Լուռ գիշեր՛ սուրբ գիշեր»ը:

Քանի մի օր յետոյ, վարպետ մը աւրուած երգեհոնը նորոգեց եւ Կրուպըր կրկին փորձեց նոր երգը նուագել երգեհոնի ընկերակցութեամբ: Վարպետը այնքան տպաւորուեցաւ այս երգով որ անկէ օրինակ մը խնդրելով տարաւ իր բնակած գիւղը: Այդ գիւղին մէջ ապրող չորս քոյրեր կային որոնք հետաքրքրուելով այս երգով սորվեցան, եւ սկսան իրենց շրջանին մէջ պտտելով երգահանդէսներու ընթացքին երգել զայն: Այդ աւրուած երգեհոնը պատճառ եղաւ Ծնունդի երգին օրհնութիւն դառնալուն ոչ միայն Աւստրիոյ ժողովուրդին այլ համայն Քրիստոնեայ աշխարհին:

ՓՐԿՉԻՆ ԾՆՈՒՆԴԸ
Մովսէս Քերթող

Լուռ գիշեր, սուրբ գիշեր.
Ծով ու ցամաք քնով են խաղաղ.
Մեղմ կը փայլի աստղը Բեթլէհէմէ,
Եւ հեռուէն շատ աչքեր կը գրաւէ,

Հոն ուր Փըրկիչը ծընաւ,
Հոն ուր Փըրկիչը ծընաւ.

Լուռ գիշեր, սո'ւրբ գիշեր.
Երգ մը ահա հովտին վըրայ
Հրեշտակներուն անթիւ խումբը կ'երգէ,
Երգ' որ ցնծման աւետիս կը բերէ.
«Տէրը, Փրկիչը, եկաւ»

Լո'ւռ գիշեր, սո'ւրբ գիշեր.
Ով դու երկիր, ա'լ արթընցիր.
Քու օրհնութիւնըդ արդ վեր թող ելլէ,
«Փառք Աստուծոյ ի բարձունըս» երգէ,
Խաղաղութիւն աշխարհի.



 Վայելէ՛ք, 
առողջ, խաղաղ, բարեբաստիկ, անվտանգ, բարեյաջող, արեւափառ տարի մը. 
առանց կորուստի, վշտի, ցաւի ու տրտմութեան: 
Եղէ՛ք 
միշտ բարձր տրամադրութեան տէր, 
մնացէ՛ք, բարեհամբոյր ու հոգեզմայլ բնաւորութեամբ, կամեցող ու կարեկցող՝ այս նոր տարուան սեմին:


mercredi 4 décembre 2019

🎄 Նոր տարվա հին սովորույթների իմաստը 🎄


🎄 Ծնունդի ծառին իմաստը 🎄

Կանաչը ծննդեան երկրորդ գոյնն է: Այս մշտադալար ծառը կը ներկայացնէ Յիսուսով եղած յաւիտենական կեանքի յոյսը: Անոր վեր ուղղուած փշոտ ճիւղերը մեզի կը յիշեցնեն թէ մեր միտքերն ալ պէտք է միշտ երկինք ուղղուին:

Աստղը
 Ծառին գագաթի փայլուն աստղը Աստուծոյ խոստումին երկնային նշանն է: Աստուած աշխարհին խոստացած էր Փրկիչ մը եւ աստղը Յիսուսի ծննդեան գիշերը այդ խոստումին իրականացման նշանն է:

Մոմը
Մոմին փայլքը կը ներկայացնէ մարդոց շնորհակալութիւնը Աստուծոյ Որդիին համար: Ծառին վրայի մոմերու նման փայլող լոյսերը կը խորհրդանշեն Աստծոյ թանկագին զաւակները, որոնց լոյսը կը ցոլացնէ Աստուծոյ փառքը:

Զանգակը
Ինչպէս որ կորսուած ոչխարը ապահովութեան կը հասնի զանգակի ձայնին միջոցավ, նոյնպէս ալ զանգը կը շարունակէ հնչել կորսուածները Աստուծոյ փարախը առաջնորդելու:

Կարմիրը ծննդեան առաջին գոյնն է: Գոց կարմիրը կենսաբեր արեան գոյնն է որ մեր երակներուն մէջ կը հոսի: Ան Աստուծոյ մեծագոյն նուէրին խորհրդապատկերն է:

Յիսուս Իր կեանքը եւ Իր արիւնը թափեց որ մենք յաւիտենական կեանք ունենանք: Կարմիր գոյնը մեզ կը յիշեցնէ Աստուծոյ լաւագոյն նուէրին մասին:

Շաքաեղէքի ճերմակը կը խորհրդանշէ կուսական ծնունդը, իսկ կարծրութիւնը՝ Անշարժ Վեմը եւ Աստուծոյ խոստոմներուն
կայունութիւնը: 

Շաքաեղէքի ձեւը կը ներկայացնէ Բարի Հովիւին գաւազանը, որ Ան կը գործածէ տիղմի մէջ ինկած կամ կորսուող ոչխարները ազատելու:

Երեք բարակ կարմիր գիծերը կը ներկայացնեն խարազանին տեղերը, իսկ մէկ հաստ կարմիր գիծը կը խորհրդանշէ Յիսուս Փրկչի արիւնը որ մեր մեղքերուն համար թափուեցաւ, որպէսզի մենք յաւիտենական կեանք ունենանք:
 (Արեւմտահայերէն)

Նոր տարվա հին սովորույթների իմաստը.

Վսեմ տոնածառի իսկական կանաչ գույնը մնում է ամբողջ տարի. հիշեցնելով մարդկության հավիտենական հույսի մասին:

Աստղը երկնային խոստումի նշան էր վաղ անցյալում: Աստված խոստացել էր Փրկչին աշխարհի համար, եվ աստղն այդ խոստումի իրականացման նշանն է:

Մոմը խորհրդանշում է խաչը, որ լույս է աշխարհի համար, եվ երբ մենք նայենք այդ մեծ լույսին,  կհիշենք Հիսուսին, ով լցրել է աշխարհը ողջ լույսով:

Ծաղկեպսակը խորհրդանշում է սիրո իրական բնույթը: Իսկական սերը երբեք չի դադարում, ինչպես Աստծո սերը, որ չունի ո՛չ սկիզբ, եւ ո՛չ վերջ:

Ձմեռ պապը խորհրդանշում է մեծահոգություն եվ բարություն, որը մենք զգում ենք ամբողջ դեկտեմբեր ամսվա ընթացքում:

Փշարմավ բույսը նշանակում է անմահություն: Դա հուշում է այն փշեպսակի մասին, որը կրել է մեր Փրկիչ Հիսուս Քրիստոսը:

Շաքարէ ձեռնափայտը նշանակում է հովվի ձեռնափայտը, որով նա հետ էր բերում մոլորված ոչխարներին:

Զանգակը՝ որուն զանգի զրնգոցի շնորհիվ կորած գառները գտնվեցին: Նա խորհրդանշում է առաջնորդություն ու վերադարձ:

Ժապաւէնով զարդարուած կանաչ պսակը.

Ժապաւէնը կը ներկայացնէ բոլոր լաւ բաները: Ան ունի կարմիր եւ կանաչ գոյներ: Ժապաւէնը կը պատմէ սիրոյ մասին: Անոր կլոր ձեւը կը ներկաձացնէ Քրիստոսի սիրոյ յաւիտենականութիւնը, որը անսկիզբ ու անվախճան է:
(Արեւելահայերեն)





jeudi 7 novembre 2019

Մահազդ ու Վշտակցութիւն ╬

╬ Յիսուսաբոր տաղերու բանաստեղծ, արժէքաւոր ուսուցիչ ու յարգարժան մտաւորական 
ԺԱԳ Ս. ՅԱԿՈԲԵԱՆ 
երկնային արքայութեան արժանացաւ:(07-11-2019)

Այս տխուր առիթով կը յայտնենք մեր սրտաբեկ ցաւակցութիւնները հանգուցեալի ընտանիքին եւ ազգիս Հայոց. հայցելով Սուրբ Հոգւոյն մխիթարութիւնն ու համբերութիւնը:
Աստուած հոգին լուսաւորէ. հողը թեթեւ ըլլայ:

ՅԻՍՈՒՍԻ ՔՈՎ ՏԵՂ ՄԸ ՈՒՆԻՄ...

Թէեւ ըլլամ ես անարժան,
Յիսուսի քով տեղ մը ունիմ խաղաղութեան,
Ուր ո՛չ անձկոյթ, ո՛չ ալ հոգեր
Կ՛ալեկոծեն սիրտս հէք
Զի երկինքն եմ, քո՛վը անոր որ փրկիչս է,
Որ կը պահէ, կը պահպանէ իմ թանկ հոգին:


Թէեւ ըլլամ մարդ մը մեղքոտ,
Յիսուսի քով տեղ մը ունիմ ուրախութեան,
Ուր ո՛չ մէկ ցաւ ու ո՛չ վիշտ
Կը խոցոտեն սիրտըս իմ,
Զի երկինքն եմ, քո՛վը անոր որ Տէրն է իմ:
Որ կը պահէ, կը պահպանէ իմ թանկ հոգին:


Եւ անառակ եթէ ըլլամ,
Յիսուսի քով տեղ մը ունիմ մեղքի ներման,
Ուր պատիժի ո՛չ սարսափ
Կը գալարէ սիրտըս իմ,
Զի երկինքն եմ, քո՛վը անոր որ Աստուածս է,
Որ կը պահէ, կը պահպանէ հոգիս իմ թանկ:


Եթէ ըլլամ ես վիրաւոր
Այս աշխարհի մրրիկներէն բազմապիսի,
Յիսուսի քով տեղ մը ունիմ
Ես հոնգիստի գերերջանիկ:
Զի երկինքն եմ, հե՛տը անոր որ հայրս է իմ,
Որ կը պահէ, կը պահպանէ իմ թանկ հոգին:


Թէեւ ըլլամ մրջիւնի պէս
Ես աննշան՝ աշխարհի մէջ ծովածաւալ,
Յիսուսի քով տեղ մը ունիմ
Ես համբաւի շողշողուն,
Զի երկինքն եմ, քո՛վը անոր որ արքան է իմ,
Որ կը պահէ, կը պահպանէ իմ թանկ հոգին:


Թէեւ ըլլամ ես ո՛րս մահուան
Եւ մայր հողին դառնայ մարմինս, ու փճանամ,
Ո՜չ, չեմ մեռած, զի երկինքն եմ
Յիսուսի քով որ դրախտի
Երջանկութեա՛մբ հարուստ կեանքս է յաւերժափառ,
Եւ կը պահէ, կը պահպանէ հոգին իմ թանկ:


Հո՜գըս եթէ մարմինս հինցած
Կլափին մէջ սեւ հողին դառնայ կե՛ր ճճիին,
Յիսուսի քով տեղ մը ունիմ
Ողորմութեան եւ շնորհքի,
Զի երկինքն եմ քո՛վն անոր որ յարութիւնս
Է յաղթապանծ եւ կը պահէ հոգիս յաւէտ:


ԺԱԳ Ս. ՅԱԿՈԲԵԱՆ
Ապրիլ 2017


vendredi 27 septembre 2019

ԲԱՐԵՒ՝ ՀԱՅՐԵՆԻՔԻՍ ❤️💙💛

ԲԱՐԵՒ՝ ՀԱՅՐԵՆԻՔԻՍ

Վանաձորը, Դիլիջանը, Տաթեւը,
Հայրենիքիս սառը ջուրը,
Թարմ միրգերը, արեւը...
Ենոքավան, Սեւան, Սիսեան,
Սյունիքի ճամբաները...
Թուֆ քարերը, այգիները,
Պուլպուլակն ու շատրուանները,
Ջերմուկ, Տավուշ, Սուրենավան
Արցախ, Արենի, Հանքավան,
Հարսնանման սարերը...
Գյումրի, Գորիս, Եղեգնաձոր,
Գեղարդ, Գառնի, Գանձասար
Հնամենի վանքերը...
Հալիձոր, Արտաշավան
Մաշտոցեան սուրբ Տառերը...
Վայք, Քաջարան Նորավանք,
Նորատուս՝ խաչքարերը...
Շիրակ, Լոռի, Վայոց ձոր
Ճատրակ խաղցող պապերը,
Արմաւիր, Գեղարքունիք
Թռչկանի, խաչաղբիւրի,
Շաքիի ջրվէժները...
Հրազադան, Օձուն,Կապան
Մեղրի, Գավառ, Երեւան
Արդի սրճարանները...
Արագածոտն, Արարատ
Տավուշ, Հաղարծին,Կոտայք
Խնձորեսկ՝ կանուրջները...
Ամբերդ Սմբատաբերդ
Կայանբերդ՝ բերդերը...
Արագած, Արա, Աժդահակ
Խուստուփ՝ լեռները...
Ձորագետ ու Որոտան կիրճերը,
Ծաղկաձոր,Դսեղ, Գավառ
Ազատ ու Կեչուտ՝ ջրամբարները...
ՀԱՅՐԵՆԻՔԻՍ,
Օդը, ջուրը, արեւը...
Հեռուից սարերէն փչող
Կարօտալից «ԲԱՐԵՒ»ը...

Ս.Սրբուհի Մ.
Uեպտեմբեր 2019































 Երեկոյան խնջույք ծիրանի ծառերի տակ, Բագարան, Հայաստան:
2016-ի լավագույն լուսանկարներից մեկը ըստ National Geographic- ի: