Բառերը, որ հիմա կճաշակես, ճշմարիտ են: Դրանք կփոխեն քո կյանքը, եթե թույլ տաս, Որովհետև դրանք Աստծո սրտից են գալիս: Նա սիրում է քեզ: Եվ Նա Հայրն է, որին փնտրում ես կյանքիդ ամբողջ ընթացքում: Սա Նրա սիրո նամակն է ուղղված քեզ:
Զավակս, գուցե ինձ չես ճանաչում, բայց ես ամեն բան գիտեմ քո մասին (Սաղմոս 138:1):
Ես գիտեմ, թե երբ ես նստում և երբ ես վեր կենում (Սաղմոս 138:2):
Ես քո բոլոր ճանապարհները գիտեմ (Սաղմոս 138:3):
Անգամ գլխիդ ամեն մազերն էլ հաշվված են (Մատթեոս 10:29-31):
Եվ դու ստեղծվել ես Իմ պատկերով (Ծննդոց 1:27):
Իմ մեջ ես դու ապրում, շարժվում և գոյատևում (Գործք 17:28):
Որովհետև դու իմ ժառանգն ես (Գործք 17:28):
Ես գիտեի քեզ անգամ մինչև քո առաջացումը (Երեմիա 1:4-5):
Ես ընտրեցի քեզ, երբ ծրագրեցի արարչագործությունը (Եփեսացիս 1:11-12):
Դու սխալմունք չես եղել, և քո բոլոր օրերը գրված են իմ գրքում (Սաղմոս 138:15-16):
Ես որոշեցի քո ծնունդի ճիշտ ժամանակը և վայրը, որտեղ դու պիտի ապրեիր (Գործք 17:26):
Զարհուրելի և հրաշալի կերպով ես ստեղծված (Սաղմոս 138:14):
Ես քեզ հյուսելով ձեվավորեցի քո մոր որովայնում (Սաղմոս 138:13):
Եվ լույս աշխարհ բերեցի այն օրը, երբ ծնվեցիր (Սաղմոս 70:6):
Ինձ սխալ են ներկայացնում նրանք, ովքեր չեն ճանաչում ինձ (Հովհաննես 8:41-44):
Ես օտարացած և բարկացած չեմ, այլ սիրո ամբողջական արտահայտությունն եմ (Ա Հովհաննես 4:16):
Եվ իմ փափագն է շռայլել իմ սերը քո վրա (Ա Հովհաննես 3:1):
Պարզապես որովհետև դու իմ զավակն ես, ես էլ քո հայրը (Ա Հովհաննես 3:1):
Ես քեզ ավելին եմ առաջարկում, քան քո երկրային հարը երբևէ կարող էր (Մատթեոս 7:11):
Որովհետև ես կատարյալ Հայրն եմ (Մատթեոս 5:48):
Ամեն բարի նվեր, որ ընդունում ես, գալիս է իմ ձեռքից (Հակոբոս 1:17):
Քանի որ ես եմ քո երաշխավորը, և հոգում եմ քո բոլոր կարիքները (Մատթեոս 6:31-38):
Իմ ծրագրերը քո ապագայի վերաբերյալ միշտ հույսով լեցուն են եղել (Երեմիա 29:11):
Որովհետև ես քեզ հավիտենական սիրով եմ սիրում (Երեմիա 31:3):
Քո նկատմամբ իմ մտքերը անհաշիվ են, ծովի ավազահատիկների չափի պես (Սաղմոս 138:17-18):
Ես ցնծում եմ քո վրա զվարճությունով և երգով (Սոփոնիա 3:17):
Ես երբեք չեմ դադարի բարիք անել քեզ համար (Երեմիա 32:40):
Որովհետև դու իմ պահված գանձն ես (Ելից 19:5):
Ես փափագում եմ քեզ հաստատել իմ ամբողջ Հոգով և Սրտով (Երեմիա 32:41):
Եվ ուզում եմ քեզ ցույց տալ մեծ և զարմանալի բաներ (Երեմիա 33:3):
Եթե դու ամբողջ սրտով փնտրես Ինձ, ապա կգտնես (Բ Օրինաց 4:29):
Հիացիր իմ մեջ , և ես քեզ կտամ քո սրտի իղձերը (Սաղմոս 36:4):
Քանի որ այդ ես եմ, Ով տալիս է քեզ այդ իղձերը (Փիլիպպեցիս 2:13):
Ես կարող եմ ավելին անել քեզ համար, քան դու երբևէ կպատկերացնեիր (Եփեսացիս 3:20):
Քանի որ ես եմ քո ամենամեծ քաջալերողը (Բ Թեսաղոնիկեցիս 2:16-17):
Ես նաև հայր եմ, որը մխիթարում է քեզ քո բոլոր ցավերի մեջ (Բ Կորնթացիս 1:3-4):
Երբ սիրտդ կոտրված է, ես մոտ եմ քեզ (Սաղմոս 34:19):
Ինչպես հովիվն է կրում գառնուկին, ես այդպես եմ քեզ կրում սրտիս շատ մոտիկ (Եսայիա 40:11):
Մի օր ես կսրբեմ քո աչքերից ամեն մի արցունք (Հայտնություն 21:3-4):
Եվ կվերցնեմ ամեն ցավ, որից տառապել ես այս երկրի վրա (Հայտնություն 21:3-4):
Ես քո հայրն եմ և սիրում եմ քեզ նույնիսկ այնքան, որքան իմ Որդի Հիսուսին (Հովհաննես 17:23):
Քանի որ Հիսուսի մեջ է արտահայտվել իմ սերը քո նկատմամբ (Հովհաննես 17:26):
Նա իմ էության ճշգրիտ ներկայացումն է (Եբրայեցիս 1:3):
Նա եկավ, որ ցույց տա, որ ես քո կողմից եմ, և ոչ թե քեզ հակառակ (Հռովմեացիս 8:31):
Եվ ասի, որ ես քո մեղքերը չեմ հաշվում (Բ Կորնթացիս 5:18-19):
Հիսուսը մահացավ, որ դու և ես կարողանանք հաշտվել (Բ Կորնթացիս 5:18-19):
Նրա մահը իմ սիրո ծայրահեղ արտահայտումն է քո համար (Ա Հովհաննես 4:10):
Ես ամեն բան տվեցի,եւ սիրեցի որ ձեռք բերեմ քո սերը (Հռովմեացիս 8:31-32):
Եթե ընդունես իմ Որդու նվերը, դու Ինձ ես ընդունում (Ա Հովհաննես 2:23):
Եվ այլևս ոչինչ նորից չի բաժանի քեզ իմ սիրուց (Հռովմեացիս 8:38-39):
Տուն արի, և ես ամենամեծ խնջույքը կանեմ, որ երբևէ երկինքը տեսել է (Ղուկաս 15:7):
Ես միշտ հայր եմ եղել, և միշտ կլինեմ հայր (Եփեսացիս 3:14-15):
Իմ հարցն է ուղղված քեզ` կդառնա՞ս իմ զավակը (Հովհաննես 1:12-13):
Սպասում եմ քեզ (Ղուկաս 15:11-32):
Սիրով, Քո Հայրիկ՝,
«Ամենակարող Աստված»:
