ՀԱՅ ԱՂՋԻԿԻ ՈՒ ՀԱՅ ՏՂԱՅ

ՇՆՈՐՀԱՒՈՐ ՍՈՒՐԲ ԾՆՈՒՆԴ

ԱՅՍՕՐ ՏՕՆ Է ՍՈՒՐԲ ԾՆՆԴԵԱՆ
ՏԵԱՌՆ ՄԵՐՈՅ ԵՒ ՅԱՅՏՆՈՒԹԵԱՆ:
ԱՅՍՕՐ ԱՐԵՒՆ ԱՐԴԱՐՈՒԹԵԱՆ
ԵՐԵՒՑԱՒ Ի ՄԷՋ ՄԱՐԴԿԱՆ:
ԱՅՍՕՐ ՀՐԵՇՏԱՔ ՅԵՐԿՆԻՑ ԻՋԱՆ
ԸՆԴ ՄԵԶ ՕՐՀՆԵՆ ԶԱՆՄԱՀ ԱՐՔԱՆ:
ՔՐԻՍՏՈՍ ԾՆԱՒ ԵՒ ՅԱՅՏՆԵՑԱՒ
ՕՐՀՆԵԱԼ Է ՅԱՅՏՆՈՒԹԻՒՆՆ ՔՐԻՍՏՈՍԻ:
ՁԵԶԻ ՄԵԶԻ ՄԵԾ ԱՒԵՏԻՍ

ԾՆՈՒՆԴԻ ԳԻՇԵՐ

ԾՆՈՒՆԴԻ ԳԻՇԵՐ
Լուռ գիշեր էր, ուշ գիշեր էր,
Երկինքն աստղերով կը փայլեր,
Ու մսուրին մէջ աղքատիկ,
Կը քնանար Յիսուս Մանկիկ:

Երկինքէն ան վար էր իջած,
Որ մեր հոգիները մաշած,
Վերականգնէր՝սրբացնէր,
Հօր Աստուծոյ բարձրացնէր:

Իր հետ բերաւ խաղաղութիւն,
Եւ նաեւ եղբայրութիւն,
Հարուստ, աղքատ, մեծ ու պզտիկ,
Կազմեցինք մենք մէկ ընտանիք:

Լայն բացաւ դուռն արքայութեան,
Անխտաբար ողջ մարդկութեան,
Ու հոգիով աղքատներուն
Խոստացաւ ան երջանկութիւն:

Քարայրէն այդ խեղճ, աղքատիկ,
Յոյս ներշնչեց, Յիսուս Մանկիկ,
«Եղբայր ենք մենք» յայտարարեց,
Իր գալուստով զայն հաստատեց:

Ծնունդ է այս բոլոր գիշեր,
Զայն կ'աւետեն հրեշտակներ,
Հոգիներու մէջ վրդոված,
Լոյսի նշոյլներ են բացուած:

Քրիստոս ծնաւ եւ յայտնեցաւ,
Ձեզի մեզի մեծ Աւետիս՛
Մարմին առաւ ու մարդացաւ,
Որ փրկուի, քո'ւ ի'մ հոգիս:

ԾՆՈՒՆԴ, ԱՂԲԻՒՐ ՈՒՐԱԽՈՒԹԵԱՆ,

ԱՅՍ ՍՈՒՐԲ ԿԱՂԱՆԴԻՆ ԱՌԹԻՒ,
Աստուծմէ խնդրենք շնորհք, փրկութիւն մեր հոգիներուն, խաղաղութիւն այս աշխարհին.
Այսօր ,Յիսուս կը ցանէ Սէրը մեր մէջ եւ Աստղին լոյսը կը վերակենդանացնէ մեղքերով փճացած կեանքը:
Տէր գթա' մեզի եւ մեզ մի զրկեր քու առատաձեռնութենէդ, համբերութենէդ եւ սէրէդ:
Թո'ղ Ծնունդը ու Նոր Տարին մեզի բերեն խաղաղութիւն. ընտանեկան եւ ընկերային հաստատ կապերը թո'ղ առաջնորդեն մեզ դէպի իսկական եղբայրութիւն մը:
ՔՐԻՍՏՈՍ ԾՆԱՒ ԵՒ ՅԱՅՏՆԵՑԱՒ
ՁԵԶԻ ՄԵԶԻ ՄԵԾ ԱՒԵՏԻՍ
Գէորգ Վրդ. Ասատուրեան

ԾՆՈՒՆԴ, ԱՂԲԻՒՐ ՈՒՐԱԽՈՒԹԵԱՆ,

ՇՆՈՐՀԱՒՈՐ ՆՈՐ ՏԱՐԻ

ՔՐԻՍՏՈՍ ԾՆԱՒ ԵՒ ՅԱՅՏՆԵՑԱՒ ╬ ՁԵԶԻ ՄԵԶԻ ՄԵԾ ԱՒԵՏԻՍ